المونتاج للمبتدئين وأفضل أدوات تحرير الفيديو والمونتاج للمبتدئين

مراحل تصميم واجهه وتجربه المستخدم User Experience

مراحل تصميم تجربه المستخدم ودي مرحله بنسميها ال Road Map اللي هنشتغل عليها في تصميم تجربه المستخدم وبنعتبرها كود المصدر اللي لنبدأ نشتغل ونعدل ونشتغل علي مرحله التطوير من أول مرحله مناقشه صاحب الفكره ونشتغل علي ال Brain Storm لحد اخر مرحله وهي مرحله التنفيذ والمراجعة والتحليل 

اي منتج بيمر بمراحل مختلفه مهما كان نوع المنتج 

مرحله الفكره 

مرحله الفكره هي بدايه اي مشروع جديد 

مرحله التصميم

مرحله التجربه 

مرحله التنفيذ 

مرحله المراجعه

مرحله النشر 

الفكره .. هي أصل كل منتج جديد في السوق أو انك يتعدل وبتعمل عمليه تطوير المنتج وبتنزل بنفس المنتج بس معاه إمكانيات ومميزات افضل تقدر تنافس بيها وتحقق الهدف المطلوب وفقا لتخطيطك 

مرحله الفكره بتحتاج كتير لتنفيذها لأنها بتبان سهل تنفيذها لمجرد انك تعرف الخطوات اللي بيمر بيها ولكن المشكله ان كل مرحله عباره عن فرع من شجره مليان اوراق وكل ورقه فيها خطوط عريضه وخطوط رفيعه ومهم جدا انك تهتم بكل خط في الشجره لأن الشجره كلها متصله ببعضها وبتتغذي من نفس الجذر 

مرحله ال User Research 

من المراحل المهمه في البدايه اللي بتخليك تقدر تفهم جمهورك وتتحكم فيه علشان كل ما تكون قريب من الجمهور المستهدف كل ما تقدر تحوله لمستخدم دائم أو مشتري لو بتقدم خدمه أو منتج 

لما بتكون فاهم الجمهور المستهدف ليك بتكون عارف عنه حاجات اساسيه زي طريقه تفكيره أو تفاعله مع المنافس أو المنتجات المنافسه كمان بتقدر تستهدف نقاط ضعف المستخدم والمنافس وده بيخليك سابق بخطوه وانك تقدر تبني رحلي مستخدم بتتميز بسهوله الوصول وقابليه الاستخدام وده بيتم بالمعني الآتي 

قابليه الاستخدام 

هنا قابليه الاستخدام معناها اني هصمم منتج أو خدمه سهله الاستخدام ومش معقده في استخدامها ويقدر المستخدم يتفاعل معاها بسهوله يعني مثلا يقدر يفهم الخدمه اللي يتقدمها وكل جزء فيها وظيفته ايه ولو استخدم الجزء ده ايه الأحداث اللي هتحصل وهل المستخدم هيفهم الكلمات والرسومات اللي انته صممتها ولا هتكون صعبه عليه وطبعا مهم انك تبقي عارف ان المستخدمين مختلفين جدا عن بعض بس انته بتقدم الفكره ولنفترض النسبه الأكبر في جمهورك وبتشيل من حساباتك الفئات الصغيره لانك هتستهدف الفئات الأكبر والاكثر في جمهورك واللي بناءا عليها هتبدء تصمم كأنك واحد منهم عشان تقدر تنفذ عمليه سهوله الوصول التاليه 

سهوله الوصول

لما اعرف الجمهور المستهدف بيدور علي الخدمه اللي بيقدمها ازاي وايه اكتر الإماكن اللي بتقدم نفس الخدمه وقتها بتقدر تصمم رحله مستخدم سهله الوصول بمعني انك لتبدأ تصمم الخدمه طبقا للظروف والطريقة اللي هيقدر يوصلك بيها مستخدمين الخدمه أو الجمهور المستهدف عموما وتقدر انك تبدأ معاه الرحله من مجرد أنه يفكر في خدمتك وازاي تكون انك يتنافس انك تكون مقدم الخدمه الاول ليه وتتفوق علي كل المنافسين ليك وتبدأ تثبت مكانك ووجودك وتبني علاقه بينك وبين المستخدمين من اول ما يوصلو لخدمتك أنهم يبقو فاهمين خدمتك بوضوح وتقدر تكتسب ثقتهم حتي عمليه تحويلهم لعملاء جدد 

تعديل المقال